لە ڕووداوێکی هاتوچۆدا لە شاری هەولێر شۆفێری تانکەرێکی بەنزین بەهۆی ئەوەی لەکاتی شۆفێریدا خەوی لێدەکەوێت کۆنترۆڵ لەدەستدەدات، بەهۆیەوە چوار کرێکار دەکاتبەژێرەوە.
فازڵ حاجی وتەبێژی بەڕێوەبەرایەتیی هاتوچۆی هەولێر ڕایگەیاند، لە کاتژمێر 9:00ی بەیانیی ئەمڕۆ لەسەر شەقامی 120 مەتریی هەولێر تانکەرێکی گواستنەوەی بەنزین کە بڕی 36 هەزار لیتر بەنزینی هەڵگرتبوو، شۆفێرەکەی لەکاتی لێخۆڕیندا خەویلێکەوت.
ئاماژەی بەوەشکردووە، بەهۆی ئەوەی شۆفێرەکە کۆنترۆڵی لەدەستداوە و چووتەسەر شۆستەکە کە ژمارەیەک کرێکار لەوشوێنەدا چاوەڕێی ئۆتۆمبێلی گواستنەوە بوون، تانکەرەکە شێلاونی و بەهۆیەوە یەکێک لە کرێکارەکان گیانیلەدەستداوە و سیانی دیکەیان برینداربوون.
