محەمەد حەلبوسی سەرۆکی ئەنجومەنی نوێنەرانی عێراق برایەکی ئومێد سەباحی سەرۆکی دیوانی ئەنجومەنی وەزیرانی حکومەتی هەرێمی کوردستان دەکاتە ڕاوێژکار.
بەبڕیاری سەرۆکی ئەنجومەنی نوێنەرانی عێراق، (ئارام سەباح) برای ئومێد سەباح وەک ڕاوێژکاری ئابوریی ئەنجومەنەکە “پلەی باڵای تایبەت” دانراوە.
ئەو پلەیەی براکەی ئومێد سەباحی پێ دامەزراوە (ڕاوێژکاری ئابوریی ئەنجومەنی نوێنەرانی عێراق) هاوتایە بەرامبەر پلەی سەرۆکی زانکۆ.
ئارام سەباح لەدایکبووی 1982ـە و خەڵکی شاری کەرکوکە، دەرچووی کۆلێژی قەلەمی ئەهلییە کە ماوەی چەند ساڵێکی کەمە دانیپێدانراوە و پێشتر لە لیستی ئەو زانکۆ ئەهلیانەدا بووە کە دانپێدانراو نەبوون.
