بەڕێوەبەرایەتیی هاتوچۆی هەولێر ڕایگەیاند، بەیانیی ئەمڕۆ پێنج خوێندکار کە بۆ دەوام ڕۆشتوون تووشی ڕووداوی هاتوچۆ بوون و یەکێک لە خوێندکارەکان گیانیان لەدەستداوە و چواریان بریندارن.
ڕووداوەکە لە کاتژمێر 7:10ـی بەیانیی ئەمڕۆ لەسەر ڕێگای خەبات-هەولێر ڕوویداوە، بەهۆی خێراییەوە کۆنترۆڵی لەدەستداوە و لە شەقامەکە لایداوە.
شۆفێر و سەرنشینانی ئۆتۆمبێلەکە خوێندکار بوون و بۆ دەوام ڕۆشتوون.
بەپێی هاتوچۆی هەولێر، لە ڕووداوەکەدا شۆفێرەکە گیانیلەدەستداوە و چوار سەرنشینەکەش برینداربوون.
