بەشێك لە كوردانی پەنابەر لە لەندەنی پایتەختی بەریتانیا گردبوونەوە و ئۆتۆمبێلەكانی مەسرور بارزانیان هێلكەباران كرد و گردبوونەوەكەش گرژی تێكەوت.
پێشنیوەڕۆی ئەمڕۆ چوارشەممە كوردانی بەریتانیا هێلكەبارانی ئۆتۆمبێلەكانی مەسرور بارزانی سەرۆكی حكومەتی هەرێمیان كرد و یەكێك لە چالاكوانەكانیش لەلایەن پۆلیسەوە دەستگیركرا.
بەشێک لە خۆپیشاندەران دژی فرۆشتنی نەوت و غاز بە وڵاتانی ئەوروپا لە ڕێگەی تورکیاوە ناڕەزایەتییان دەربڕی و لەبەشێکی دیکەی دروشمەکانیاندا خۆپیشاندەران لەبارەی دۆسیەی زیندانیکراوانی بادینان و ئازادی ڕادەربڕینەوە دروشمیان دەوتەوە.
ئەوەش لەكاتێكدایە، ئەوە یەکەمجارە لە بەردەم باڵەخانەی ئینستیتیوتی چاتام هاوس و لەکاتی بەڕێوەچوونی کۆنگرەیەکی نێودەوڵەتی خۆپیشاندانێکی لەو جۆرە دروستبێت.
