لەم وەرزەدا لیۆ مێسی لە تۆماری گۆڵدا وشک بووەتەوە، بەڵام لە ڕووی ئامارەوە بە یەکێک لە باشترین یاریزانەکانی تۆپی پێی ئەوروپا دەمێنێتەوە.
مێسی لە پاریس سان جێرمان دووچاری ئاستەنگی بوو، بۆیە تەنها سێ گۆڵی لە 20 دەرکەوتنیدا لە خولی فەرەنسا تۆمار کردووە، ئەوەش دەریدەخات کە ڕێگەی گۆڵکردنی ون کردووە.
لە کاتێکدا ڕێژەی گۆڵەکانی بەراورد بە ساڵانی ڕابردوو دابەزیوە، ئەو هێشتا دەتوانێت ڕۆڵێکی گرنگ بگێڕێت لە پاریس سان جێرمان، ئەویش ڕۆڵی ڕەخساندنی گۆڵە و لە دوواین یارییدا بەرامبەر کلێرمۆن فوت سێ گۆڵی بۆ هاوڕێکانی ڕەخساندووە.
گرافیکێکی نوێ کە لەلایەن (FBREF) و دوای کۆکردنەوەی داتا لە سەرجەم خولە گەورەکانی ئەوروپا ئەنجامدراوە، دەرکەوتووە مێسی لە تەمەنی 34 ساڵیدا لەڕووی ڕەخساندنی گۆڵەوە کاریگەرترینە (12 گۆڵ).
گرافیکەکە نیشانی دەدات کە ترێنت ئەلێکساندەر-ئارنۆڵد لە هێڵکارییەکەدا هاوشانی جۆشوا کیمیچ و نێیمار لە دوای مێسی-یەوە لە لووتکەدان.
