بەڕێوەبەرانی یانەی مانچستەر یونایتد تاوتوێی بابەتی ڕۆیشتن، یاخود فرۆشتنی کریستیانۆ ڕۆناڵدۆیان کردووە.
ڕۆژنامەی دەیلی مەیڵی بەریتانی بڵاویکردووەتەوە، لە ناوخۆی مانچستەر یونایتد چەند جارێک خێزانی گلایزەرس کۆبوونەوەیان لەبارەی کریستیانۆ ڕۆناڵدۆ و پێگەی چەند یاریزانێکی دیکەوە ئەنجام داوە، هەمووشیان کۆکبوون لەسەر ئەوەی ئەفسانە پۆرتوگالییەکە سوودی بۆ یانەکەیان نییە.
تاوەکو ئێستا بڕیار لەبارەی کریستیانۆوە نەدراوە، بەڵام فەرمانی دوورخستنەوە و فرۆشتنی لەژێر دەستی جوێل گلایزەرس-دایە، لە داهاتوودا هەوڵ دەدات دانوستاندنی لەگەڵدا بکات و هانی بدات ڕوو لە یانەیەکی دیکە بکات.
سەرچاوەکە نووسیویەتی، مان یونایتد لە دۆخێکی خراپدایە و ئەگەر هەیە نەتوانن یەکێک لە پێگەکانی “بیگ 4” نەگرنەوە وەرزی داهاتوو بەشدار بن لە خولی ئەوروپی، نەک خولی یانە پاڵەوانەکان، بۆیە لەم حاڵەتەدا ئەگەر هەیە ڕوو لە یانەیەکی دیکە بکات.
