وەزارەتی كاروكاروباری كۆمەڵایەتیی هەرێم بڵاویكردووەتەوە، ئەو خاوەن پێداویستییە تایبەتانەی دوو مووچە وەردەگرن مووچەكەیان ڕادەگیرێت مەبەستی جێبەجێكردنی یاسای چاكسازی لە مووچە و دەرماڵەكاندا.
بەپێی ڕاگەیەندراوێكی وەزارەتی كاروكاروباری كۆمەڵایەتیی هەرێم تێیدا هاتووە، بۆ ئەم مانگە مووچەی ئەو خاوەن پێداویستییە تایبەتانەی كە 100 هەزار دینارە ڕادەگیرێت مەبەستی جێبەجێكردنی یاسای چاكسازی لە مووچە و دەرماڵەكان.
لە ڕاگەیەندراوەكە هاتووە، ئەو كەسانەی خانەنشینن یاخود مووچەی شەهیدانەیان هەیە و گرێبەستن دەبێت نووسراوی پشتگیریی بهێنن ئەو كات مووچەی خاوەن پێداویستیی تایبەتیان بۆ خەرجدەكرێت.
وەزارەتەكە ئاشكرایكردووە، ئەو كەسانەی فەرمانبەران پێویستە پشتگیری فەرمانگەكەیان بهێنن تا مووچەی خاوەن پێداویستییە تایبەتەكەیان بۆ بكرێتە دەرماڵە.
