وەزارەتی گواستنەوە و گەیاندنی هەرێم پێشبینییەكانی كەشوهەوای بۆ ئەمڕۆ و سبەی بڵاوكردەوە و بەپێی پێشبینییەكان، ئەمڕۆ پلەكانی گەرما بە نزیكەی 1 تا 3 پلە بەرزدەبنەوە.
بەپێی راگەیەندراوێكی وەزارەتی گواستنەوە و گەیاندنی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ هەینی ئاسمان ساماڵ و پەڵەهەور دەبێت و خێرای با / لەسەرخۆ- مامناوەند ( 10 – 20) كم /ك دەبێت و پلەكانی گەرما بە نزیكەی 1 تا 3 پلە بەرزتردەبێت بە بەراورد بە تۆمارەكانی دوێنێ.
هەر لە راگەیەندراوەكەدا هاتووە، سبەی شەممە ئاسمان لەنێوان پەڵەهەور و نیمچەهەوردا دەبێت و پلەكانی گەرما نزیكدەبێتەوە بە بەراورد بە تۆماركراوەكانی ئەمڕۆ .
بەرزترین پلەكانی گەرمای پێشبینیكراو بە پلەی سیلیزی :
هەولێر : 30 پلەی سیلیزی
سلێمانی : 29 پلەی سیلیزی
دهۆك : 30 پلەی سیلیزی
كەركوك : 32 پلەی سیلیزی
هەڵەبجە : 31 پلەی سیلیزی
زاخۆ : 31 پلەی سیلیزی
حاجی ئۆمەران: 19 پلەی سیلیزی
سۆران : 29 پلەی سیلیزی
گەرمیان : 34 پلەی سیلیزی
