بانكی ڕافیدەین لە عێراق، پێدانی قەرزێكی دیكەی بۆ هاوڵاتییان ڕاگەیاند، قەرزەكەی ئەمجارە بۆ كڕینی خانوو و شوێنی نیشتەجێبوونە.
بانكی ڕافیدەین لە ڕاگەیەندراوێكدا دەستپێكردنی پێدانی قەرزێكی 150 ملیۆن دیناریی بۆ هاوڵاتییان ڕاگەیاند، كە دەكرێت عێراقییەكان لە لقی بانكەكە لە بەغدادی پایتەخت و پارێزگاكانی دیكە مامەڵەی وەرگرتنی قەرزەكە بكەن.
قەرزەكەی ئەمجارە بۆ كڕینی خانوو و شوێنی نیشتەجێبوونە، بانكەكە ڕێژەی سوودی بە تەنها 4% دیاریكردووە.
پێش ئەم قەرزە 150 ملیۆن دینارییە، بانكەكە قەرزی 50 ملیۆن دیناریشی ڕاگەیاندبوو بۆ نۆژەنكردنەوەی خانوو و شوێنی نیشتەجێبوون.
بانكی ڕافیدەین لقی لە هەرێمی كوردستان نییە و قەرزەكە دانیشتووانی هەرێم ناگرێتەوە.
