حكومەتی لوبنان، مایەپووچبوونی دەوڵەت و بانكی ناوەندیی وڵاتەكەی ڕاگەیاند، چارەنووسی پارەكانی هەرێمی كوردستان نادیارە.
ئەمڕۆ دووشەممە سەعادەت شامی جێگری سەرۆكی حكومەتی لوبنان ڕایگەیاند، “وڵات و بانكی ناوەندیی لوبنان مایەپووچبوون” و وتی، “زیانەكان بەسەر دەوڵەت و بانكی ناوەندیی لوبنان و بانكەكانی تر و هاوڵاتییاندا” دابەشدەكرێن.
لەبارەی هۆكاری گەیشتنی لوبنان بەم دۆخەی ئێستای، جێگری سەرۆكی حكومەتی وڵاتەكە وتی، “زیانەكە بەهۆی سیاسەتی دەیان ساڵی ڕابردووەوە ڕوویداوە و ئەگەر ڕێگر نەبووینایە زیانەكان زۆر گەورەتر دەبوون”.
نزیكەی 637 ملیۆن دۆلاری حكومەتی هەرێمی كوردستان كە داهاتی فرۆشتنی نەوت بوون، لە بانكەكانی لوبنان-دا دانرابوون و بلۆككرابوون، دیارنییە لەم مایەپووچبوونەی لوبناندا ماون یاخود چارەنووسیان بەكوێ دەگات؟.
