سەرۆکی ئۆکرانیا، ڤۆلۆدیمێر زیلینیسکی جەختدەکاتەوە، سەرمایەدارێکی ڕوسی هاوکاریی خەڵکی ئۆکرانیای کردووە و پەیوەندیشی لەگەڵ ستافی دانوستاندنکاری وڵاتەکەیدا هەیە.
لە وەڵامی پرسیارێکدا سەبارەت بە ڕۆمان ئەبرامۆڤیچی سەرۆکی یانەی چێڵسی، زیلینسکی بە “واڵ ستریت جۆڕناڵ”ی ڕاگەیاندووە، ” لەبەر چەند هۆکارێک وردەکاریی گفتوگۆی نێوان خۆم و جۆ بایدنی سەرۆکی ئەمریکا باس ناکەم، بەڵام دڵنیاتان دەکەمەوە، سەرمایەدارێکی ڕوسی بەشێوەی فەرمی بێت یان نافەرمی لەنێو لیژنەی دانوستاندنکاری ڕوسیایە، پەیوەندیی لەگەڵ لیژنەی دانوستاندنکاری ئێمەدا هەیە”.
Ukrainian President Volodymyr Zelensky has asked United States President Joe Biden to not sanction Roman Abramovich.
Via: Wall Street Journal pic.twitter.com/EfailPOmex
— Uber Chelsea FC (@UberChelseaFC_) March 23, 2022
هەروەها دەڵێت، “ئەو سەرمایەدارە کەناڵێکی بۆ ڕزگارکردنی دانیشتووانی شاری ماریۆپۆل کردووەتەوە، بەپێی زانیارییەکانی ئێمە، ئەو کەسە یاریدەدەرێکی مرۆیی باشبووە بۆ خەڵکی ئۆکرانیا، ئەگەر ئەو نەبووایە لەم ئەرکەدا سەرکەوتوو نەدەبووین”.
لەماوەی ڕابردوودا میدیاکانی جیهان بڵاویانکردەوە، ڤۆلۆدیمێر زیلینیسکی داوای لە جۆ بایدنی سەرۆکی ئەمریکا کردووە سزای ڕۆمان ئەبرامۆڤیچ نەدات، بەیەکێک لەو ئۆلیگاریشییانەی دەزانێت کە دەبنە هۆکاری ڕێککەوتنی نێوان دوو وڵاتەکە.
