یانەی ڕیاڵ مەدرید بەدوای ڕێگەچارەیەکدا دەگەڕێت بۆ ڕزگاربوون لە یاریزانە بێسوودەکان، بۆ ئەو مەبەستەش بڕیاریان لە فرۆشتنی شەش یاریزان داوە.
ڕۆژنامەی “ئەی ئێس”ی نزیک لە یانەی ڕیاڵ مەدرید بڵاویکردووەتەوە، هەریەک لە گاریس بەیل، ئیسکۆ ئالارکۆن، مارسێلۆ دا سیلڤا لە میرکاتۆی هاوینی 2022 بۆندەکانیان کۆتاییدێت، ئیدارەی یانە بڕیاریداوە بۆندەکانیان نوێنەکاتەوە و بێبەرامبەر دەستبەرداریان ببێت.
بڕیاری دەستبەرداربوون تەنها ئەو سێ یاریزانەی نەگرتووەتەوە، بەڵکو ئیدین هازارد، ماریانۆ دیاز، لوکا یوڤیچ بەهەمانشێوە لە چێوەی فرۆشتن-دان، تەواوی ئەم فرۆشتنانەش ئەگەر بەئەنجام بگەن 50 ملیۆن یورۆ بۆ یانەکە دەگەڕێنێتەوە، کە دەکرێت لە گواستنەوەی یاریزانی نوێدا بەکاربخرێتەوە.
بە ئەگەرێکی بەهێزەوە یانەی شاهانە لە گواستنەوەکانی هاوینی 2022 پێکهاتەکەی بە چەند یاریزانێکی ناودار بەهێزدەکات، یەکێک لەوانە کیلیان مباپێ-یە کە بۆ مووچەی ساڵانە 50 ملیۆن یورۆی داواکردووە.
