بەرەبەیانی ئەمڕۆ لە یاریگای پیرۆی نیشتیمانی، هەڵبژاردەی بەرازیل بە ئەنجامی چوار گۆڵ بەرانبەر بە دوو بردنەوەی بەرانبەر هەڵبژاردەی پیرۆی خاوەن یاریگا تۆمارکرد.
“نێی” لە کۆی چوار گۆڵی تۆمارکراوی هەڵبژاردەی وڵاتەکەی هاتریکی تۆمارکرد (سێ گۆڵ)، ڕێژەی گۆڵە نێودەوڵەتییەکانی بەدرێسی زەرپۆشەکانی ئەمریکای لاتینەوە گەیاندە (64) گۆڵ.
(64) گۆڵی نێودەوڵەتی ڕیکۆردە و ئەستێرەکەی یانەی پاریس سانت جێرمان بە فەرمی بووە دووەم باشترین گۆڵکاری نێودەڵەتی بەرازیل و پێش ڕۆناڵدۆ نازاریۆ دا لیمای ناسراو بە “دیاردە” کەوت، کە خاوەنی (62) گۆڵە.
پیلێ ئەفسانەی ئەفسانەکانی بەرازیل لە مێژوویدا (77) گۆڵی بە درێسی هەڵبژاردەی بەرازیلەوە لە خول و پاڵەوانێتییە نێودەوڵەتییەکان تۆمارکردووە، واتا تەنها بە تۆمارکردنی (14) گۆڵی دیکە دەبێتە گۆڵکاری مێژوویی وڵاتەکەی.
جگە لەم ڕیکۆردانە، “نێی” سێیەم یاریزانی بەرازیلییە سێ گۆڵ یان “هاتریک” لە دەرەوەی یاریگاکانی بەرازیل لە چوارچێوەی پاڵاوتنەکانی ئەمریکای لاتین تۆماردەکات، لەدوای هەریەک لە تۆستاو (بەرانبەر ڤەنزوێلا 1969)، ڕۆماریۆ (بەرانبەر ڤەنزوێلا 2000)، پاولینیۆ (بەرانبەر ئورۆگوای 2017).
