كۆی ڕووبەری زەوی بەمین چێندراو لە كەركوك دەگاتە 18 كیلۆمەتر چوارگۆشە و بەرپرسێكی كاروباری مین ڕووبەرە پاككراوەكان ئاشكرادەكات.
زافر مەحمود، بەڕێوەبەری گشتی كاروباری مین لە وەزارەتی ژینگەی عێراق ڕایگەیاند، ڕووبەری ژەهراوی بە مین لە كەركوك دەگاتە 18 ملیۆن مەتر چوارگۆشە یان 18 كم و ئەو گوندەكانە دەگرێتەوە كە بەهۆی كردەوەكانی داعشەوە وێرانبوون.
بەرپرسەكەی كاروباری مین لە لێدوانێكدا بۆ ئاژانسی فەرمیی عێراق وتیشی، “فەرمانگەكەیان كار لەسەر هەڵگرتنەوەی پاشماوەكانی جەنگ و مین لەسەر 10 ملیۆن مەتر چوارگۆشە دەكات و ئەمەش پێویستی بە پشتیوانیی حكومی و ڕێكخراوە جیهانییەكان هەیە لەپێناو گەڕاندنەوەی خێزانە ئاوارەبووەكان بۆ شوێنەكانیان”.
ڕوونیشیكردەوە، تائێستا توانیویانە 60%ی ڕووبەڕی ژەهراوی بەمین لە كەركوك پاكبكەنەوە.
پێشتر وەزارەتی ژینگەی عێراق ڕایگەیاند، چەند پرۆژەیەكیان پێشكەشكردووە بۆ چارەسەركردنی 670 كیلۆمەتر چوارگۆشەی پاشماوەی جەنگ.
