حکومەتی بەریتانیا لێکۆڵینەوە لە پێگە و هەڵسوکەوتەکانی شێخ مەنسوور بن زایدی خاوەنی یانەی مانچستەر سیتی دەکات.
ماڵپەڕی “سپۆرت بایبڵ” ئاشکرایکردووە، دوای لێکۆڵینەوە لە پێگە و هەڵوێستی ڕۆمان ئەبرامۆڤیچی سەرۆکی یانەی چێڵسی، هەروەها سزادانی بە چەندین بڕیاری کارگێڕی بەهۆی پاڵپشتیکردنی لە حکومەتی ڕوسیا، لەئێستادا چاوەکان لەسەر شێخ مەنسو بن زایدن.
لە چەند ڕۆژی ڕابردوودا شێخ مەنسوور لەژێر ناونیشانی وەزیری دەوڵەت، لە ئیمارات چاوی بە بەشار ئەسەدی سەرۆکی سوریا کەوتووە، چاوپێکەوتنەکە لەسەر بابەتە سیاسییەکان بووە.
بەپێی سەرچاوەکە، حکومەتی شانشینی بەریتانیا وەک کۆمەڵکوژ و سزاردراوێک مامەڵە لەگەڵ بەشار ئەسەدی سەرۆکی سوریا دەکات، لەبەرئەوەیە نیگەرانن بە کۆبوونەوەی لەگەڵ شێخ مەنسوور، هەر بەوهۆیەشەوە بڕیاریانداوە لێکۆڵینەوە دەستپێبکەن.
لەئەگەری دەرکەوتنی هەر پەیوەندییەکی ئەو سەرۆکە لەگەڵ خاوەنی یانەی مانچستەر سیتی، هەمان سزای ئەبرامۆجیچ بەسەر یانەی مانچستەر سیتیدا دەسەپێنن.
