لەچێوەی یارییەکانی قۆناغی چارەکی کۆتایی جامی یەکێتیی یانە ئینگلیزییەکان، یانەی مانچستەر سیتی بردنەوەی بەرامبەر ساوسامپتن تۆمارکرد.
ئەمڕۆ یەکشەممە، لە یاریگای سینت ماری و لەچێوەی یارییەکانی قۆناغی چارەکی کۆتایی جامی یەکێتیی یانە ئینگلیزییەکان “فا کەپ”، یانەی مانچستەر سیتی بووە میوانی یانەی ساوسامپتن، یارییەکەش لەکاتی یاساییدا بە بردنەوەی مانچستەر سیتی (4-1) کۆتاییهات.
گۆڵەکانی سیتیزنس لە خولەکەکانی 12، 61، 75، 78 لەلایەن ڕەحیم ستێرلینگ، کیڤن دی برۆین، فیڵ فۆدین، ڕیاز مەحریزەوە تۆمارکران، گۆڵەکەی ساوسامپتن بە هەڵە لە خولەکی 45 لەلایەن ئایمیریک لاپۆرتەوە تۆمارکرا.
بەپێی ئەنجامە تۆمارکراوەکە، ئەستێرەکانی پێپ گواردیۆلا سەرکەوتنیان بۆ قۆناغی نیوەی کۆتایی جامە ناودارەکەی ئینگلتەرا مسۆگەرکرد.
