ئهمڕۆ ههینی، لە بارەگای سەرەکیی فیدراسیۆنی تۆپی پێی ئهوروپا (یوێفا) لەشاری نیۆنی سویسرا، تیروپشکی قۆناغهکانی چارهک و نیوهی کۆتایی خوولی یانه پاڵهوانهکانی ئهوروپا ئهنجامدرا.
میکایل سێلڤستری، ئهستێرهی دێرینی فهرهنسا و یانهی مانچستهر یونایتد میوانی فیدراسیۆنی تۆپی پێی ئهوروپا و ئهنجامدهری تیروپشکهکه بوو، ههڵبژاردنهکانی ئهو ئهستێره دێرینه چهندین ڕووبهڕووبوونهوهی هاوسهنگی لێکهوتهوه.
ئهنجامی تیروپشکهکه بۆ قۆناغی چارهکی کۆتایی بهم جۆره بوو:
چێڵسی – ڕیاڵ مەدرید
مانچستەر سیتی – ئەتلەتیكۆ مەدرید
ڤیاریاڵ – بایرن میونشن
بەنفیكا – لیڤەرپوڵ
قۆناغی نیوهی کۆتایی چۆن دهبێت؟
بهپێی خشتهی دیاریکراوی یارییهکان و ئهو تۆپانهی سێلڤسترێ لهناو پۆتهکاندا ڕاکێشانی بۆکردن،
براوەی یاریی نێوان مانچستەر سیتی و ئەتلەتیكۆمەدرید له قۆناغی نیوهی کۆتایی خوولهکه، بەرامبەر براوەی یاریی نێوان ڕیاڵ مەدرید و چێڵسی یاریدەكات.
ههروهها براوەی یاریی نێوان ڤیاریاڵ و بایرن میونشن، بەرامبەر براوەی یاریی نێوان بەنفیكا و لیڤەرپوڵ یاریدەكات.
جگه له ڕووبهڕووبوونهوهی نێوان ڕیاڵ مهدرید و چێڵسی، تیروپشکهکه بۆ یانهکانی دیکه تاڕادهیهک هاوسهنگه، لهزۆرینهی یارییهکاندا یانهیهکی گهوره بهرامبهر یانهیهکی مامناوهند یاریدهکات، بهڵام ئهوهی دڵنیاییدهدات، ڕووبهڕووبوونهوهکانی قۆناغی نیوهی کۆتایی ئاگرین دهبن و گهورهکان ناچارن بهرامبهر یهکدی یاریبکهن.
کەی یارییەکانی چارەکی کۆتایی دەکرێن؟
یارییەکانی چوونی چارەکی کۆتایی لە 5 و 6ی نیسان، یارییەکانی گەڕانەوەش لە 12 و 13ی هەمان مانگ ئەنجامدەدرێن.
یارییەکانی قۆناغی نیوەی کۆتایی لە 26 و 27ی نیسان، یارییەکانی گەڕانەوە لە 3 و 4ی ئایار ئەنجامدەدرێن.
یاریی کۆتایی لە ڕۆژی شەممە، 28ی ئایار لە یاریگای “ستاد دو فرانس” لە پاریس بەئامادەبوونی تەواوی هاندەران ئەنجامدەدرێت.
