سەرەرای بردنەوەیان لە یانەی ئارسناڵ، بەڵام یۆرگن كلۆپی ڕاهێنەری لیڤەرپوڵ پێیوایە تیپەكەی هەڵەی زۆری هەبووە.
لە هەفتەی 27ی خولی ئینگلتەرا، لیڤەرپوڵ لەدەرەوەی یاریگای خۆی بە دوو گۆڵی بێ بەرامبەر لە ئارسناڵی بردەوە.
كلۆپ جەختی كردەوە كە سێ خاڵی ئەو یارییە زۆر گرنگ بووە، لەبەرئەوەی ڕكابەرەكەیان لە لوتكەی ئاستی خۆیاندا بوون.
وتیشی: “هەڵەی زۆرمان كرد بەرامبەر ئارسناڵ و تۆپ زیاتر لای ئەوان بوو، هەندێ كاتیش لە ئێمە باشتربوون.”
كلۆپ دڵخۆشە بەو ڕكابەرییەی دروستبووە لە نێوان مانچستەر سیتی و لیڤەرپوڵدا لەسەر ناسناوی خولی ئینگلتەرا و ئاشكرایكرد كە ئەوان عەقڵیەتی بردنەوەیان هەیە و بەردەوام دەبن.
