حكومەتی عێراق دوو ڕۆژی هەفتەی داهاتووی بەبۆنەی هاتنەوەی جەژنی نەورۆزەوە كردە پشوو.
ئەمیندارێتیی گشتیی ئەنجومەنی وەزیرانی عێراق لە بەیاننامەیەكدا ئەمڕۆچوار شەممە بڵاویكردووە، بەبۆنەی جەژنی نەورۆزەوە ڕۆژانی یەكشەممە 20ی ئازاری 2022و دووشەممە 21ی ئازاری 2022 لە دەزگاو دامەزراوەكانی حكومەتدا پشووی ڕەسمی دەبێت.
پێشتر حكومەتی هەرێمی كوردستان بەبۆنەی هاتنەوەی جەژنی نەورۆزەوە، ڕۆژانی ( 20-24)ی ئازاری كردە پشوو.
