ڕالف ڕانیگ، ڕاهێنەری مانچستەر یونایتد پێیوایە تایمی یەكەم ئاستێكی بەرزیان پێشكەش كردووە و ڕەخنەشی لە ئاستی ناوبژیوان گرت.
مانچستەر یونایتد لە یاریگای خۆی بەرامبەر ئەتلەتیكۆمەدرید شكستی هێنا و كرایە دەرەوەی چامپیۆنز لیگ.
ڕانیگ دوپاتیكردەوە كە بە درێژایی یارییەكە ئاستی تیپەكەی لە ڕكابەرەكەیان باشتر بووە.
وتیشی: “ئێستا هەوڵ دەدەین سەركەوتن بۆ چامپیۆنز لیگی وەرزی داهاتوو مسۆگەربكەین.”
پوختەی قسەكانی ڕانیگ
– یانەی ئەتلەتیكۆ مەدرید بە درێژای یارییەكە هیچ مەترسیەكی لەسەر گۆڵمان دروست نەكرد.
– ئێمە لە تایمی یەكەم زۆر باش یاریمان كرد
– هەموو هەوڵێك دەدەین بۆ ئەوەی لە وەرزی داهاتوو لە چامپیۆنزلیگ ئامادەبین
– نامەوێت قسە لەسەر ناوبژیوان بكەم بەڵام كات زۆر بە فیڕۆ ڕۆیشت و ناوبژیوان تەنها چوار خولەكی زیاد كرد
– بە داخەوە نەمانتوانی هەلی گۆڵ تۆمار كردن دروست بكەین
