توێژینەوەیەکی نوێ سەبارەت بە پەیوەندیی نووستن لە دەوروبەرێکی ڕووناکدا لەگەڵ نەخۆشییەکانی دڵ و شەکرە، گەیشتووە بەو ئەنجامەی کە نووستن لە ڕووناکیدا زیانی بۆ تەندروستی هەیە.
توێژینەوەکە لەلایەن توێژەرانی زانکۆی “نۆرس وێستێرن”ی ئەمریکی لە شیکاگۆ ئەنجامدراوە و بەو ئەنجامە گەیشتووە کە کوژاندنەوەی سەرجەم گڵۆپەکان و دادانەوەی پەردەکان، دەکرێت مەترسیی تووشبوون بە نەخۆشیی دڵ و شەکرە کەمبکاتەوە.
بەپێی ئەم توێژینەوەیە، ئەگەر کاتی نووستن ڕووناکیی زۆربێت، ئەوا جەستە ناتوانێت وەک پێویست پشووبدات و ئەمەش دەبێتەهۆی بەرزبوونەوەی ڕێژەی لێدانەکانی دڵ.
توێژەران ئاماژەیان بەوە داوە، تەنانەت ڕووناکیی کز و سەرچاوە سروشتی و دەستکردەکانی ڕووناکییش، دەکرێت زیان بە کارکردنی دڵ و خوێنبەرەکان بگەیەنن و بەرگریی دژ بە ئەنسۆلین زیادبکەن، چونکە خانەکانی ماسوولکە و چەوری و جگەر ماندوودەبن بۆ هەڵمژینی گلوکۆز.
