سەرەڕای دابەزینی بەردەوامی نرخی نەوت لە بازاڕەكانی جیهاندا، ئەمڕۆ جارێكی تر نرخی بەنزین لە شارەكانی هەرێم بەرزبووەوە.
بەیانی ئەمڕۆ لەگەڵ كردنەوەی بازاڕەكاندا نرخی نەوت دابەزی و هەر بەرمیلێك نەوتی برێنت بە 101.4 دۆلار مامەڵەی پێوەكرا، بەراورد بە ئێوارەی دوێنێ بۆ هەر بەرمیلێك زیاتر لە 4 دۆلار دابەزینی بەخۆیەوە بینیوە.
هەروەك نرخی بەرمیلێك نەوتی خۆرئاوای ئەمریكاش بەیانی ئەمڕۆ دابەزی بۆ 97.77 دۆلار، دوای ئەوەی ئێوارەی دوێنێ گەیشتە 102.1 دۆلار.
سەرەڕای ئەوەی چەند ڕۆژێكە نرخی نەوت لە بازاڕەكانی جیهاندا ڕوو لە دابەزینە، بەڵام نرخی بەنزین لە شارەكانی هەرێم زیاتر بەرزدەبێتەوە.
ئەمڕۆش هەر لیترێك بەنزین 25 دیناری دیكەی چووەسەر و نۆرماڵ گەیشتە 1025 دینار، لیترێك بەنزینی موحەسەنیش بۆ 1100 دینار بەرزبووەوە.
