ئیرلینگ هالاندی نەرویجی هێرشبەری بروسیا دۆرتمۆند لە پەیوەندی كردن بە ڕیزەكانی یانەی مانچستەر سیتی ئینگلیزییەوە نزیكبۆتەوە.
زۆربەی ڕۆژنامەكانی ئینگلتەرا ئەم بەیانییە كۆك بون لەسەر ئەوەی هالاندی 21 ساڵ لە كۆتایی وەرز پەیوەندی بە یانەی مانچستەر سیتییەوە دەكات.
پێشبینی دەكرێت گرێبەستی چوونی هالاند بۆ یانەی مانچستەر سیتی 100 ملیۆن پاوەندی تێبچێت.
ئەمە جگە لەوەی بڕە پارەیەكیش وەك پاداش بە بەڕێوەبەری كارەكانی دەدرێت.
پێشتر باوكی هالاند (ئالف ئانج) بۆ ماوەی سێ ساڵ لە یانەی مانچستەر سیتی یارییكردووە و هەر لەوێ كۆتایی بەكاروانی وەرزشی خۆی هێناوە.
هالاند لەلایەن یانەكانی ڕیاڵ مەدرید و بەرشلۆنە و پاریس سانجێرمانەوە چاودێری دەكرێت و هەرسێكیشیان ئامادەن گرێبەستی لەگەڵ ئیمزابكەن.
