(ڤیدیۆ) بنزیمە کۆتایی بە خەونەکانی پاریس هێنا و ڕیاڵی گەیاندە چارەکی کۆتایی چامپیۆنزلیگ

ئه‌مشه‌و چوارشه‌ممه‌، دوو ڕووبه‌ڕووبوونه‌وه‌ی گه‌ڕانه‌وه‌ی قۆناغی 16ی چامپیۆنزلیگ ئه‌نجامدران، یانه‌کانی ڕیاڵ مه‌درید و مانچسته‌ر سیتی سه‌رکه‌وتنیان بۆ قۆناغی چاره‌کی کۆتایی یه‌کلاییکرده‌وه‌.

له‌ڕووبه‌ڕووبوونه‌وه‌یکی به‌هێزدا، یانه‌ی ڕیاڵ مه‌درید له‌ یاریگای سانتیاگۆ بێرنابیۆ میوانداریی یانه‌ی پاریس سان جێرمانی فه‌ره‌نسی کرد، یارییه‌که‌ به‌ ئه‌نجامی سێ گۆڵ به‌رامبه‌ر به‌گۆڵێک له‌به‌رژه‌وه‌ندیی ڕیاڵ کۆتاییهات.

گۆڵه‌کانی‌ ڕیاڵ له‌ خوله‌که‌کانی 61. 76، 78 له‌لایه‌ن ‌که‌ریم بنزیمه‌وه‌ تۆمارکران، گۆڵه‌که‌ی پاریس له‌ خوله‌کی 39 له‌لایه‌ن کیلیان مباپێ-وه‌ تۆمارکرا.

به‌پێی ئه‌نجامی یارییه‌کانی چوون و گه‌ڕانه‌وه‌، ڕیاڵ مه‌درید (3-2) سه‌رکه‌وتنی بۆ قۆناغی چاره‌کی کۆتایی به‌ده‌ستهێنا.
له‌ یارییه‌کی ئاگرینی دیکه‌دا، یانه‌ی مانچسته‌ر سیتی له‌ یاریگای خۆیدا (ئیتیحاد) میوانداریی سپۆرتینگ لشبۆنه‌ی پۆرتوگالی کرد، یارییه‌که‌ش به‌بێ گۆڵ کۆتاییهات.

به‌پێی ئه‌نجامی چوون و گه‌ڕانه‌وه‌، مان سیتی به‌ ئه‌نجامی (5-0) سه‌رکه‌وتنی بۆ قۆناغی چاره‌کی کۆتایی مسۆگه‌رکرد.