“بەردی شەیتان”، کە بەردێکی بەناوبانگە لە ژاپۆن و خەڵکی لایانوایە مەترسیدار و کوشندەیە، لەم دواییانەدا درزی تێكەوتووە و شکاوە.
بەپێی ڕۆژنامەی “گاردیان”، لە ئەفسانەی ژاپۆنیدا ئەم بەردە گڕكانییە “ڕوحێکی خراپەکار”ی شەیتانێکی لە خۆیدا هەڵگرتووە کە خۆی لە شێوەی ژنێکی شۆخدا دەرخستووە.
بەردەکە بەهۆی بارانەوە درزیبردووە و پاشان وردبووە، لە کاتێکدا کە هەندێک لە ژاپۆنییەکان لایانوایە “هەر کەسێک لەو بەردە نەفرەتاوییە نزیکببێتەوە، بێگومان دەمرێت”.
ئەم بەردە دەکەوێتە پارێزگای توچیکیی نزیک لە تۆکیۆی پایتەختەوە و بەو پێیەی بەردێکی گڕكانییە، هەندێک لە چاودێران هۆشدارییانداوە کە ئەگەری هەیە گازی ژەهراوی لەناودا بووبێت و بەهۆی ئەو تێکشکانەیەوە، گازەکە بەربووبێت.
