ڕۆمان ئەبرامۆڤیچ بڕیاریدا یانەی چێڵسی بفرۆشێت و لەو قەرزانەش خۆشدەبێت كە لای كارگێڕی یانەكە كەڵەكە بووە.
بەهۆی كێشەكانی نێوان ڕووسیا و ئۆكرانیاوە بڕیاردرا ڕێگری لە ڕۆمان ئەبرامۆڤیچ بكەن بچێتە ناو خاكی بریتانیاوە.
بەو بۆنەیەوە ئەویش بڕیاریدا دەستبەرداری یانەی چێڵسی ببێت و لەو قەرزانەش خۆش ببێت كەلەسەر یانەكە كەڵەكە بووە.
ئەبرامۆڤیچ شانازی كرد كە ماوەی 20 ساڵ سەرۆكی چێڵسی بووە و هیواشی خواست جارێكی تر بتوانێت بگەڕێتەوە بۆ ناو یاریگای ستامفۆرد بریدج.
ئاشكراشیكرد كە ڕێكخراوێكی خێرخوازی دادەنێت و ئەو پارەیەی لە فرۆشی چێڵسییەوە دەستی دەكەوێت بەكاری دەهێنێت بۆ قوربانیان و لێقەوماوانی وڵاتی ئۆكرانیا.
