بەڕێوەبەری گشتیی ئاژانسی ئاسمانگەڕیی ڕوسیا دەڵێت، هەوڵدان بۆ هاككردنی سیستمی مانگە دەستكردەكانی ڕوسیا دەبێتەهۆی هەڵگیرساندنی جەنگ.
دیمیتری ڕۆگوزین بەڕێوەبەری گشتیی ئاژانسی ئاسمانگەڕیی ڕوسیا ڕایگەیاند، “دەمەوێت ئەو كەسانە ئاگاداربكەمەوە كە هەوڵدەدەن سیستمی مانگە دەستكردەكانمان هاكبكەن، پێیاندەڵێم ئەم كارە تاوانە و سزاكەی زۆر توند دەبێت، چونكە تێكدانی ئامێرە ئاسمانییەكانی هەر وڵاتێك و لەكارخستانی casus belliـە، واتە هۆكارە بۆ هەڵگیرساندنی جەنگ”.
ئەمڕۆ چوارشەممە گروپێك هاككەر بەناوی “NB65” كە سەر بە “Anonymous”ـە ڕایگەیاند، سیستمی ئاسایشی دامەزراوەی “ڕوس كۆسمۆس”ی تایبەت بە مانگە دەستكردەكانی ڕوسیای هاككردووە.
دیمیتری ڕۆگوزین بەڕێوەبەری گشتیی ئاژانسی ئاسمانگەڕیی ڕوسیا دەڵێت، هەوڵەكە شكستیپێهێنراوە و دامەزراوەكەی بەدواداچوون دەكات و زانیاری لەبارەی “تاوانباران”ـەوە دەدات بە دەزگا ئەمنییەكانی ڕوسیا.
دەستەواژەی “casus belli” بە واتای “پاساو بۆ جەنگ” دێت و بە هەر هێرش یان تاوانێك دەوترێت كە ببێتەهۆی ڕاگەیاندنی جەنگ لەلایەن وڵاتێكەوە.
