بەڕێوەبەرایەتیی گشتیی کشتوکاڵی سلێمانی ئاگاداری سەرجەم ڕاوچی و ماسیگرەکانی سنووری پارێزگاکە دەکاتەوە کە لە 5ی ئازارەوە ڕاوکردن قەدەغەیە بەهۆی وەرزی زاوزێی ماسییەکانەوە، قەدەغەكردنەكە زیاتر لە سێ مانگ دەخایەنێت.
شاڵاو جەمال بەڕێوەبەری گشتیی کشتوکاڵی سلێمانی ڕایگەیاند، لە ڕێکەوتی 5/3/2022 تاوەکو ڕێکەوتی 15/6/2022 ڕاوە ماسی بە (قولاپ، تۆڕ و ڕێگاکانی دیکە) قەدەغەیە.
بەپێی بڕیارەکەی کشتوکاڵی سلێمانی هێنانی ماسی زیندوو و مردووی ناوخۆ و هاوردە بۆ ناو سلێمانی دەبێت بە ڕێگەپێدانبێت و بەسەرپەرشتیی هۆبەی بەرهەمهێنان و گەشەپێدانی سامانی ماسی و بەڕێوەبەرایەتیی ڤێتێنەری سلێمانی بێت.
