پێلێ نەخۆشخانەی بەجێهێشت

ئەفسانەی ئەفسانەکانی جیهان، پێلێ نەخۆشخانەی بەجێهێشت و لەژێر سەرپەرشتیی پزیشکیدا ڕەوانەی ماڵەکەی کرایەوە.

ئیدسۆن ئارانتیس دی ناشیمێنتۆی ناسراو بە “پێلێ”، ئەفسانەی تۆپی پێی بەرازیل و جیهان تەمەنی 81 ساڵە، ڕێکەوتی 13ی شوباتی 2022 بۆ وەرگرتنی چارەسەر لەو نەشتەرگەرییەی بۆ ئەنجامدرابوو سەردانی نەخۆشخانەی ئالبێرت ئاینشتاین-ی لە ساوپاولۆ کرد، بەڵام پزیشکەکان دەریانخست گرێیەک لە کۆڵۆنیدا هەیە.

دوای ئەنجامدانی نەشتەرگەری بۆ ئەفسانەکە، بارودۆخی تەندروستی تێکچوو و تاوەکو ئەمڕۆ سێشەممە لە نەخۆشخانە مایەوە.

ڕۆژنامەی “ئۆ گلۆبۆ”ی بەرازیلی لەزاری بەرپرسانی نەخۆشخانەی ئالبێرت ئەینشتاینەوە بڵاویانکردووەتەوە، لە ئێستادا بارودۆخی جەستەیی ئەفسانەکە ئاساییە، گرێکەی شیرپەنجەیی نەبووە و ڕەوانەی ماڵەکەی خۆی کراوەتەوە.

پێلێ سێ جار ناسناوی مۆندیالی بەدەستهێناوە، یەکێکە لەو چوار ئەفسانەیەی لە چوار وەشانی مۆندیال گۆڵیان تۆمارکردووە، هێشتا ڕیکۆردەکانی بەزیندوویی ماونەتەوە و لە 92 یاریی نێودەولەتیدا 77 گۆڵی بۆ سیلیساو تۆمارکردووە.، کە حەوت گۆڵ لە ژمارەی گۆڵەکانی نێیمار دا سیلڤا زیاترە.

بابەتی پێشتر

کاریگەرتریین ئەو سزایانەی بەسەر ئێراندا سەپێنراوە

بابەتی دواتر

حكومەت هاوكاریی عێراقییەكانی ئۆكرانیا دەكات

بابەتی پەیوەندیدار
Total
0
Share