خوان لاپۆرتا ڕەتیكردەوە هیچ شتێك لەسەر كڕینی لیڤاندۆڤسكی بڵێت و دوپاتیشیكردەوە كە یەك هەنگاو لە نوێكردنەوەی بۆندی گاڤی دوورن.
لاپۆرتا باسی لەوە كرد كە پلانیان داناوە بۆ ڕزگاربون لەو دۆخە داراییە خراپەی تێیكەوتون و ڕۆژی پێنج شەممە بڕیاری كۆتایی دەدەن.
پوختەی قسەكانی لاپۆرت
/ ئێمە نزیكین لە نوێكردنەوەی بۆندی گاڤی
/ قسە لەسەر لیڤاندۆڤسكی ناكەین چونكە جارێ یاریزانی ئێمە نییە
/ ئەگەر پێنج شەممە ئەندامانی یانەكە كۆك بن لەسەر پلانەكانم، هەواڵی خۆش دەبیستین
/ دێمبلی گرێبەستی بۆ هاتووە لە یانەی ترەوە، گرێبەستی ئێمەشی لایە، هێشتا وەڵامی نەداوینەتەوە
/ ئێمە بە پەرۆشین بۆ مانەوەی گاڤی لەبەرئەوەی كوڕی فێرگەكەمانە (لاماسیا)
/ هەمیشە خۆمان بە قەرزاری كاپتنەكانی بەرشلۆنە دەزانین
