کریستیانۆ ڕۆناڵدۆ، ئەفسانەی زیندووی یانەی مانچستەر یونایتد لە لایڤێکی تۆڕی کۆمەڵایەتی ئینستاگرام، 677 هەزار بینەر لە خولەکێکدا کۆدەکاتەوە.
دووشەممەی ڕابردوو، “دۆنی پۆرتوگال” لە تۆڕی کۆمەڵایەتیی ئینستگرام لایڤێکی بۆ هەوادارانی کردەوە، تیایدا نمایشی ماسولکەکانی جەستەی دەکات و بەشێوەیەکی نیمچە ڕووت دووش دەکات.
لایڤی یاریزانە ئەفسانەییەکە سەدایەکی بەهێزی دایەوە و 677 هەزار بینەری لە خولەکێکدا کۆکردەوە، کە ئەوەش ڕیکۆردێکی جیهانییە لەسەر ئاستی تۆڕە کۆمەڵایەتییەکان، بەوپێیەی تاوەکو ئێستا هیچ وەرزشکارێک نەیتوانیوە ئەو ڕێژە بینەرە لە خولەکێکدا کۆبکاتەوە.
Never would I have thought I’d be watching Cristiano Ronaldo have a shower on Instagram live half naked.
— Ziyad⚡️🇲🇦🏴 (@mcfcziyad) February 28, 2022
ئینستگرامی کریستیانۆ 407 ملیۆن فۆڵۆوەری هەیە، بەرزترین ڕێژەی هەواداری هەیە لەسەر ئاستی وەرزشکاران و کەسایەتییە ناودارەکان.
ئەستێرەکەی مادێرا بەم جوڵەیە دەیەوێت بیسەلمێنێت، لەسەر ئاستی تۆڕە کۆمەڵایەتییەکان یەکەمە لە جیهاندا.
