هواوی بە بەرهەمێكی نوێ جیهانی مۆبایلە زیرەكەكان دەگۆڕێت

مۆبایلە نوێیەكەی هواوی

مۆبایلە نوێیەكەی هواوی كە دەتوانرێت بنوشتێنرێتەوە، بووەتە هەواڵی زۆرێك لە پەڕە و سایتەكانی پەیوەندیدار بە تەكنیكە نوێیەكان.

لەو زانیارییە دزەپێكراوانەی دەربارەی مۆبایلی Mate X2ی چاوەڕوانكراو ئاشكراكراوە ئاماژە بەوەدەدات كە مۆبایلەكە شاشەیەكی زۆر نەرم و گەورەی هەیە و دەتوانرێت بەنزیكەیی لە ناوەڕاستدا بنوشتێنرێتەوە و ئەوكات تەنها بەشی پێشەوەی ببێتە شاشە، جیاواز لە مۆبایلەكانی دیكەی نوشتاوە كە شاشەكە بەسەر دوو بەشە نوشتاوەكەدا دابەشدەبێت.

https://www.youtube.com/watch?v=6lzl-vAb13E&feature=emb_logo

تایبەتمەندییەكی دیكەی شاشەكە ئەوەیە كە دەتوانرێت بۆ چەند بەشێك دابەشبكرێت لەكاتی بەكارهێنانیدا، تانەنەت ئەگەر بەتەواوەتیش كرابێتەوە، ئەمەش ڕوبەڕێكی گەورە و ئاسانكاری زیاتر دەبەخشێتە بەكارهێنەر بۆ بەكارهێنانی زیاتر لە ئەپێك لە یەك كاتدا، یان سەیركردنی ڤیدیۆ و گەڕانی ئینتەرنێت لە هەمان كاتدا.

پێشبینی دەكرێت شاشەی مۆبایلەكە لە جۆری OLED و بە قەبارەی 8.03 ئینج بێت، هەروەك شاشەیەكی دیكەی هەبێت بە قەبارەی 6.45 ئینج، لەگەڵ تایبەتمەندی Kirin 9000ی نوێی پێشكەوتوو بە تەكنینی (5 نانۆمەتر) و وایفای بۆ پێكەوەبەستن لەگەڵ تۆڕەكانی 5G، هەروەك كامێراكان لەسەر یەكێك لە لاكانی ڕووی دەرەوەی ئامێرەكە دەبێت.

بابەتی پێشتر

ڕوانگەی سوری: هێزە ئەمریكییەكان خاكی سوریایان بەرەو هەرێم بەجێهێشتووە

بابەتی دواتر

حزبێكی هەرێم: نابێت حكومەت دەستەوەستان بێت لە دابینكردنی موچە

بابەتی پەیوەندیدار
Total
0
Share