ئەستێرەی پۆڵەندی یانەی بایرن میونشن، ڕۆبێرت لیڤاندۆڤیسکی بڕیاردەدات لە ڕووبەڕووبوونەوە نێودەوڵەتییەکاندا بەرامبەر ڕوسیا یارینەکات.
فیدراسیۆنی تۆپی پێی پۆڵەندا بڕیاریدا لەبواری تۆپی پێدا ڕوسیا بلۆک بکات، بۆ ئەم مەبەستەش ڕاگەیاندراوێکیان بڵاوکردووەتەوە، تیایدا هاتووە، “هەڵبژاردەی پۆڵەندا لە پاڵاوتنەکانی کیشوەری ئەوروپا بۆ گەیشتن بە مۆندیالی 2022ی قەتەر، ئامادەنییە ڕووبەڕووی ڕوسیا ببێتەوە، ئەوەش لەوەڵامی ئەو لەشکرکێشییەی کردوویانەتە سەر ئۆکرانیا”.
It is the right decision! I can’t imagine playing a match with the Russian National Team in a situation when armed aggression in Ukraine continues. Russian footballers and fans are not responsible for this, but we can’t pretend that nothing is happening. https://t.co/rfnfbXzdjF
— Robert Lewandowski (@lewy_official) February 26, 2022
ڕۆبێرت لیڤاندۆڤیسکی لە تۆڕی کۆمەڵایەتی تویتەرەوە ڕاگەیاندراوەکەی بڵاوکردووەتەوە و نووسیویەتی، “بڕیارێکی دروست بوو، ناتوانم بیری لێبکەمەوە بەرامبەر ڕوسیا یاریبکەم، لە کاتێکدا ئەو وڵاتە لەشکرکێشی بۆسەر ئۆکرانیا بەردەوامە، یاریزانانی ڕوسیا و هاندەران بەرپرس نین لەو بارودۆخە، بەڵام ناشتوانین وا خۆمان نیشانبدەین کە هیچ ڕووینەداوە”.
بڕیارە هەڵبژاردەی ڕوسیا لە چێوەی یارییەکانی پاڵاوتنی ئەوروپا بەرامبەر سوید و پۆڵەندا دوو یاری بکات، بەڵام فیدراسیۆنی تۆپی پێی ئەوروپا لەو بارەیەوە بڕیارێکی یەکلاکەرەوەی نەداوە.
