وەک ناڕەزاییەک دژی هێرشی وڵاتەکەی بۆسەر ئۆکرانیا، بەرپرسی ناوەندی شانۆی نیشتمانی لە مۆسکۆ دەستیلەکارکێشایەوە و دەڵێت، “مەحاڵە کار بۆ بکوژێک بکەیت”.
ئێلینا کۆڤاڵسکایا لە نووسینێکدا لە هەژماری تایبەتیی خۆی لە تۆڕی کۆمەڵایەتیی فەیسبووک بڵاویکردەوە، دەستلە پۆستەکەی دەکێشێتەوە وەک بەڕێوەبەری شانۆی وڵات- شانۆی نیشتمانی لە ناوەندی نیشتمانی، ئەوەش وەک هەڵوێستێک بۆ دەربڕینی ناڕەزایی بەرامبەر هێرشی وڵاتەکەی بۆسەر ئۆکرانیا.
ئەو شانۆکارە ڕوسیە دەڵێت، “مەحاڵە کار بۆ بکوژێک بکەیت و مووچەی لێوەربگریت”.
پێشتر دوای بڕیاری ڤلادیمێر پوتین بۆ هێرشکردنەسەر ئۆکرانیا ئەو شانۆکارە پرۆفایلی هەژمارەکەی لە تۆڕی کۆمەڵایەتیی فەیسبوک گۆڕی بە ڕەنگی ڕەش وەك ناڕەزایی بەرامبەر ئەو بڕیارەی سەرۆکی وڵاتەکەی.
