فیدراسیۆنی تۆپی پێی ئۆکرانیا بڕیاریدا، بەهۆی هێرشەکانی ڕوسیاوە خولی ناوخۆی تۆپی پێی وڵاتەکە ڕابگرێت.
ڕۆژنامەی دەیلی مەیڵی بەریتانی بڵاویکردووەتەوە، بەهۆی هێرشە سەربازییەکانی ڕوسیا بۆسەر ئۆکرانیا، فیدراسیۆنی تۆپی پێی ئۆکرانیا ناچاربووە بۆ ماوەی 30 ڕۆژ (مانگێک) چالاکییەکانی ڕابگرێت، جگە لەوەش بوارەکانی دیکەی وەرزش لە ئۆکرانیا بەتەواوی پەکخراون.
بڕیاربوو سبەینێ هەینی، ڕێکەوتی 25ی شوبات چالاکییەکانی خولی ئۆکرانیا دەستپێبکەنەوە، بەڵام بەهۆی لەشکرکێشی ڕوسیا بۆسەر وڵاتەکە و لەپێناو پاراستنی گیانی یاریزانان، ناچاربوون بڕیاری ڕاگرتنی بدەن.
ئەو جەنگەی لەبەردەرگای ئۆکرانیایە، کاریگەریی لەسەر ئامادەکارییەکانی هەڵبژاردەی ئۆکرانیا دەبێت لە پاڵاوتنەکانی کیشوەری ئەوروپا بۆ گەیشتن بە مۆندیالی 2022ی قەتەر، بڕیارە مانگی داهاتوو یارییەکی گرنگ بەرامبەر هەڵبژاردەی سکۆتلەندا ئەنجامبدەن.
