كەشتییەك كە 237 سەرنشینی دەگواستەوە ئەمڕۆ لە نزیك كەناراوەكانی یۆنان لە دەریای ئایۆنی ئاگریگرت.
پۆلیسی كەناراوەكانی یۆنان ڕایگەیاند، ئاگرەكە لە (یورۆفیری ئەولیمپیا) كەوتووەتەوە كە گەشتییەكی گەشتیارییە و ئاڵای ئیتاڵیای بەرزكردووەتەوە، 237 سەرنشین و 51 كارمەندی تیمەكەی هەڵگرتووە.
ئاشكراشیكرد، سێ بەلەمی ڕاكێشان و سێ بەلەمی دیكە بۆ هاوكاریكردنی سەرنشینان ڕەوانەكردەوە.
كەشتییەكە لە ڕێگادابووە بەرەو ئیتاڵیا لە شاری ئیگۆمنیتسا-ی یۆنانییەوە.
بەپێی ڕوونكردنەوەكەی پۆلیس، كاپتنەكەی داوای لە سەرنشینەكان كردووە كەشتییەكە جێبهێڵن.
تائێستا هیچ زانیارییەك لەبارەی بوونی بریندار ڕانەگەیەندراوە.
