چاڤی هێرناندێز، ڕاهێنەری بەرشلۆنە پێیوایە هێشتا تیپەكەی كێشەی زۆرە و پێویستی بە چارەسەركردن هەیە.
دوای یەكسانبوونیان لەگەڵ ئیسپانیۆل، چاڤی هێرناندێز جەختیكردەوە كە ئەوان لە قۆناغی دروستبوونەوەدان و پێویستییان بە كاتی زیاتر هەیە.
وتیشی: “بەكارهێنانی پارچە كاغەزێك بۆ پیكێ و بۆسكێچ تەنها لەبەر ئەوە بووە كە بەهۆی دەنگە دەنگی هاندەرانەوە نەمتوانیوە شێوازی یاریكردن بگۆڕم و ناچار بە نووسین بۆم ناردوون.”
ئاماژەی بەوەشدا كە پێش كۆتاییهاتنی یارییەكە، ئاراوخۆی بەرگریكار لەگەڵ یاریزانێك دەبێتە دەماقاڵێیان و ئەمیش بە ئاماژەیەك پێیڕاگەیاندووە كە ئێوە تیپی پلە دوون.
چاڤی جەختیكردەوە كە ئەو هیچی نەبینیوە بەڵام داوای لێبوردنی كرد و وتی، هەمیشە پێویستە ڕێز لە تیپی بەرامبەر بگرین.
ڕاهێنەرەكەی بەرشلۆنە ئاشكرایكرد كە ئامانجی تیپەكەی لە ئێستادا گرتنی یەكێك لە پلەكانی یەكەم تا چوارەمە بۆ ئەوەی بگەنە چامپیۆنز لیگی وەرزی داهاتوو.
