یانەی ئەی سی میلان، دیڤۆک ئۆریجیی ئەستێرەی لیڤەرپوڵ و هەڵبژاردەی بەلجیکای کردووەتە ئامانج، بڕیاریشیانداوە لەکۆتایی وەرزدا گرێبەستی پێشکەشبکەن.
بەپێی زانیارییەکانی ماڵپەڕی “کالچیۆ میرکاتۆ”، بەڕێوەبەرانی ڕۆسۆنێری دەستیان بە گفتوگۆکردن بۆ واژووکردنی گرێبەست لەگەڵ ئۆریجی کردووە، بەوپێیەی یاریزانەکە لە میرکاتۆی هاوینی 2022 بۆندەکەی کۆتاییدێت و بێبەرامبەر دەتوانێت پەیوەندی بە یانەیەکی دیکەوە بکات.
ئۆریجی تەمەن 26 ساڵ ناچارە لە کۆتایی وەرزدا لیڤەرپوڵ بەجێبهێڵێت، چونکە نیازی نوێکردنەوەی گرێبەستی نییە و تاوەکو ئێستاش لەلایەن جەمسەرەکانەوە هیچ هەوڵێک بۆ نوێکردنەوەی نەدراوە.
ئۆریجی لەسەرجەم خوول و پاڵەوانێتییەکان 171 یاری بۆ یانەی لیڤەرپول ئەنجامداوە، 40 گۆڵی تۆمارکردووەوە 17 گۆڵیشی بۆ هێرشبەرانی دیکە ڕەخساندووە.
