پیپی مارۆتا، بەڕێوەبەری كارەكانی ئینتەرمیلان دوپاتیكردەوە كڕینی لۆكاكۆ لە قۆناغی كۆتاییدایە و گفتوگۆكانیش بۆ دەستخستنی دیبالا بەردەوامە.
مارۆتا لە چاوپێكەوتنێكیدا بۆ پێگەی فوتبۆڵ ئیتاڵیا ئاشكرایكرد، لۆكاكۆ یاریزانێكی بەتوانای تۆپی پێیە و دڵخۆشن بە گەڕانەوەی بۆ ئینتەرمیلان.
وتیشی: ئیمزاكردنی گرێبەستەكە لە قۆناغی كۆتاییدایە و هەفتەی داهاتوو پشكنینی پزیشكی دەكرێت.
لە بەشێكی تری قسەكانیدا مارۆتا نەیتوانی نكۆڵی لەوە بكات كە چاویان بە نوێنەری دیبالا كەوتوە، بەڵام جەختی لەسەر ئەوە كردەوە كە هیچ شتێكی جدی ڕووینەداوە و ئێستا لە گفتوگۆكردندان.
