ماسیمۆ ئالێگری، ڕاهێنەری یۆڤانتۆس دڵخۆشە بە ئاستی یاریزانەكانی، دوای ئەوەی بە دوو گۆڵی بێ بەرامبەر سەركەوتنیان بەسەر هیلاس ڤیرۆنا بەدەستهێنا.
ئالێگری پێیوایە بە كڕینی دینیس زەكەریان و فلاهۆڤیچ كوالیتی تیپەكە بەرزبۆتەوە و ئاستی تیپەكەش گۆڕانكاری بەسەردا هاتووە.
لەگەڵ ئەوەشدا بەدووری دەزانێت كە ئەوان بگەڕێنەوە بۆ ڕكابەری خولی ئیتاڵیا و پێیوایە هێشتا ناچنە ڕیزی پاڵێوراوەكانەوە.
ئالێگری ئاماژەی بەوەدا كە بە بوونی دیبالا و فلاهۆڤیچ و مۆراتا ، سیانەیەكی بەهێز لە هێڵی پێشەوە دروستبوون و تیپەكەش گیانی هاوكاری لە نێوانیاندا زیادیكردووە.
ڕاهێنەری یۆڤانتۆس ستایشی ئاستی بەرزی فلاهۆڤیچی هێرشبەری نوێی یانەكەشی كرد و پێیوایە هێشتا پێویستی بە هەندێ چاكسازی هەیە تێیدا بكرێت.
