كریستیانۆ ڕۆناڵدۆی پورتوگالی بەنیازنییە واز لە یاریكردن بهێنێت و دەڵێت، تا تەمەنی 40 ساڵی بەردەوامدەبم.
لە یادی 37 ساڵەی لەدایكبوونیدا، كریستیانۆ ڕۆناڵدۆ سوپاسی هەموو ئەو كەسانەی كرد كە پیرۆزباییان لێكردووە.
ڕۆناڵدۆ ئەم وەرزە 14 گۆڵی كردووە و 3 گۆڵیشی بۆ هاوڕێكانی دروستكردووە.
بەڵام تیپەكەی كە مانچستەر یونایتدە، لە جامی یەكێتیی ئینگلتەرا و كاراباو كاپ كراوەتەدەرەوە و لە ڕكابەریكردنی خوولی ئینگلتەراش دووركەوتووەتەوە.
تاكە ناسناو كە هەلی بەدەستهێنانی هەیە، ناسناوی چامپیۆنز لیگە.
ڕۆناڵدۆ دەڵێت، “ژیان وەك شەمەندەفەر وایە، خێرایە و پێویستە لە كاركردن بەردەوامبین.”
باسیشی لەوە كردووە كە هێشتا بیری لە وازهێنان نەكردووەتەوە و تا تەمەنی 40 ساڵی بەردەوامدەبێت، دواتر بڕیاری كۆتایی دەدات.
