ڕێكخراوی تەندروستیی جیهانی داوا لە خانمان دەكات خۆیان بەدوور بگرن لە بەكارهێنانی بابەتەكانی جوانكردن و سپیكردنەوەی پێست.
ڕێكخراوی تەندروستیی جیهانی لە ئاگاداریكردنەوەیەكیدا ڕایگەیاندووە، “بابەتەكانی سپیكردنەوەی پێست مەترسییان هەیە بۆسەر تەندروستیی ژنان”.
ئەوەشی خستوەتەڕوو، زۆربەی ئەو بابەتانە پێكهاتەی جیوەیی و كیمیاییان تێدایە كە ئەوەش كاریگەریی گەورەی دەبێت لەسەر هەستەوەرەكان و تەندروستی.
هەروەها ڕێكخراوە نێودەوڵەتییەكە داوا لە ژنانی جیهان دەكات ئەو مەترسییانە لەبەرچاوبگرن، داواش لە وڵاتان دەكات بەكارهێنانی جیوە و مادەی كیمیایی لە بەرهەمە جوانكارییەكاندا قەدەغە بكەن.
