لە ووهان ڤایرۆسێكی دیكە سەریهەڵدا

لەكاتێكدا جیهان سەرقاڵی هەوڵە چڕەکانە بۆ ڕووبەڕووبوونەوەی ڤایرۆسی کۆرۆنا و ‏سەرجەم گۆڕاوەکانی، زانایانی چین سەرهەڵدانی ڤایرۆسێکی نوێی مەترسیداریان ‏ڕاگەیاند. ‏

زانایانی وڵاتی چین دوای توێژینەوەیەکیان لە ووهانی شوێنی سەرهەڵدان و دەرکەوتنی ‏ڤایرۆسی کۆرۆنا بۆ یەکەمجار، دۆزینەوەی ڤایرۆسێکی نوێیان بەناوی “نیۆ کۆڤ ‏NeoCoV‏” ڕاگەیاند.‏

بەپێی ئەو زانیارییانەی زانایانی ڤایرۆسناسی لە وڵاتی چین ئاشکرایانکردووە، ڤایرۆسە ‏نوێیەکە توانای گواستنەوەی خێراترە بەراورد بە کۆرۆنا، لەگەڵ ئەوەی تائێستا بەردەوامن ‏لە تویژینەوە بۆ زانینی زانیارییە شاراوەکانی ڤایرۆسەکە.‏

پێگەی ‏Bio Rxiv‏ کە تایبەتە بە بڵاوکردنەوەی توێژینەوە زانستییەکان بەر لە چاپکردنیان ‏ڕایگەیاندووە، ڤایرۆسەکە بەتەواوی نوێ نییە، لە بنەڕەتی ئەو ڤایرۆسانەیە کە لە ‏سەرەتاوە لە ئەفریقای باشوور تۆمارکراون.‏

ئەنجامی توێژینەوەکان ئەوەیان دەرخستووە، هاوشێوەی ڤایرۆسی کۆرۆنا، “نیۆ کۆڤ”یش ‏دەبێتەهۆی هەناسەتوندی و کاریگەری لەسەر سییەکان دروستدەکات، هەروەها دەبێتە هۆی ‏کێشەی هەناسەدان بەشێوەیەکی درێژخایەن.‏

توێژەران دەڵێن، نیۆ کۆڤ ڤایرۆسێکی پەیوەندیدارە بە ڤایرۆسی ‏MERS-COV، کە لە ‏ڕۆژهەڵاتی ناوەڕاستدا بۆ یەكەمجار بڵاوبووەوە، ئەو ڤایرۆسەشە كە بە نەخۆشیی ‏هەناسەدان ناسراوە.‏

ڤایرۆسی ‏NeoCov‏ بەهەمانشێوە ڤایرۆسێکی ئاژەڵییە و دەگوێزرێتەوە بۆ مرۆڤ، ‏ڤایرۆسەکە تائێستا لە شەمشەمەکوێرەدا بەشێوەیەکی بەرچاو بڵاوبووەتەوە، بەڵام بەپێی ‏وتەی توێژەرانی وڵاتی چین، مەترسیی گواستنەوە و هەڕەشەی بۆسەر مرۆڤ هەیە. ‏

توێژینەوەکە ئاماژە بەوەدەکات، ئەو دژە تەنانەی بۆ ڕووبەڕووبوونەوەی کۆرۆنا و ‏گۆڕاوەکانی کاریگەرن، ناتوانن کاریگەرییان لەسەر ڤایرۆسە نوێیەکە هەبێت.‏

بابەتی پێشتر

لە بۆقدا سەركەوتوو بووە.. توێژینەوەیەك تاوتوێی سەرلەنوێ گەشەكردنەوەی پەلەكانی ‏مرۆڤ دەكات

بابەتی دواتر

قسەی میدیای ئەمریكییە<br> ئەتۆم یەكێكە لە بژاردەكانی بەردەم ئیدارەكەی بایدن بەرامبەر ‏ڕوسیا

بابەتی پەیوەندیدار
Total
0
Share