یەكەم كاروانی ڤاكسین لە چینەوە گەیشتە بەغداد

وەزارەتی بەرگریی عێراق ئاشكرایكردووە، ئەمڕۆ سێشەممە یەكەم كاروانی ڤاكسنی دژە كۆرۆنا گەیشتە عێراق.

لە ڕاگەیەندراوێكدا وەزارەتی بەرگریی عێراق ڕایگەیاندووە، “بە ڕێنمایی سەرۆكوەزیرانی عێراق، وەزارەتی بەرگری فڕۆكەیەكی سەربازی لە جۆری C130 ناردە چین بۆ ئەوەی یەكەم كاروانی ڤاكسینی دژە كۆرۆنا بگوازێتەوە بۆ عێراق”.

ئاماژەی بەوەشكردووە، “بەرەبەیانیی ئەمڕۆ سێشەممە 2ی ئازار، فڕۆكەكە بە بارە ڤاكسینەكەوە گەیشتە بەغداد”.

لەكاتی گەیشتنی كاروانە ڤاكسینەكە هەریەك لە وەزیری تەندروستیی عێراق و سكرتێری فەرماندەی گشتیی هێزە چەكدارەكانی عێراق و فەرماندەی هێزە ئاسمانییەكان و باڵیۆزی چین لە بەغداد ئامادەبوون.

دوێنێ لە كۆنگرەیەكی ڕۆژنامەوانیدا، جوتیار عادل، وتەبێژی حكومەتی هەرێم ئاشكرایكرد، “لەو ڤاكسینەی دێتە عێراق 20%ی دەدرێت بە هەرێمی كوردستان”.

بابەتی پێشتر

(ڤیدیۆ) لە کۆتا ساتەکاندا ڤینیسیۆز ڕیاڵ مەدریدی لە دۆڕاندن ڕزگارکرد

بابەتی دواتر

سەرەڕای بەڵێنەکان 16 کۆڵبەر و کاسپکار کوژران و بریندار بوون

بابەتی پەیوەندیدار
Total
7
Share