زیاتر لە 800 حاڵەتی نوێی توشبوون بە كۆرۆنا تۆماركرا

995 توشبوو چاكبوونەتەوە

وەزارەتی تەندروستیی هەرێم دەڵێت، 805 توشبووی نوێی كۆرۆنا لە هەرێم تۆماركراوە و 995 توشبووش چاكبوونەتەوە.

وەزارەتی تەندروستی ئەمڕۆ سێشەممە ئاماری 24 كاتژمێری ڕابردووی تایبەت بە كۆرۆنای بڵاوكردەوە و دەڵێت، لەو ماوەیەدا شەش هەزار و 645 پشكنین ئەنجامدراوە و لەو ژمارەیە 805 توشبووی نوێ تۆماركراوە.

هەر لەو ماوەیەدا 995 توشبوو چاكبوونەتەوە و 11 توشبووش گیانیان لەدەستداوە كە زۆرترین لە دهۆك بووە بە حەوت حاڵەتی مردن، وەك ئەوەی لە ئامارەكەدا هاتووە.

وەزارەتی تەندروستی ڕونیشیكردوەتەوە، كۆی گشتی توشبووانی كۆرۆنا لە هەرێم گەیشتە 153 هەزار و 582 كەس لەو ژمارەیە 131 هەزار و 244یان چاكبوونەتەوە و چوار هەزار و 68 توشبووش گیانیان لەدەستداوە.

بابەتی پێشتر

ناوەرۆكی كۆبوونەوەی هاوسەرۆكانی یەكێتی و سەرۆكی هەرێم ئاشكراكرا

بابەتی دواتر

مینحەی مانگانەی 639 زیندانی سیاسی پەسەندكرا

بابەتی پەیوەندیدار
Total
2
Share