ڕەخنەگرانی بواری هونەرە جەنگییە تێکەڵەکان (UFC)، فرانسیز نگانۆ بە تۆقێنەرترین جەنگاوەری بوارەکە ناوزەد دەكەن، دوای ئەوەی لەسەر پشتوێنی پاڵەوانی کێشی قورس ڕووبەڕووی سیرل گانی فەرەنسی بووەوە و بردنەوەیەکی گەورەی تۆمارکرد.
نگانۆی جەنگاوەری کامیرۆنی، فرانسیز نگانۆ لە ئیڤێنتی کۆتایی (UFC270) لە سەنتەری هۆندا ئانهایم – کالیفۆرنیا، ڕووبەڕووی سیریل گانی فەرەنسی بووەوە، توانی بە ئەنجامی (48-47)، (48-47)، (49-46) بردنەوە تۆماربکات، بەو جۆرەش پارێزگاری لە پشتوێنی پاڵەوانی جیهان کرد.
جەنگاوەرە کامیرۆنییەکە تەمەنی 35 ساڵە لە لاس ڤیگاس، ئەمریکا نیشتەجێ-یە، لە مانگی ئازاری 2021ـەوە پشتوێنی پاڵەوانی (UFC)ی بەدەستهێناوە.
شارەزایانی بواری هونەرە جەنگییە تێکەڵەکان پێیانوایە، نگانۆ بۆ ماوەیەکەی دوورودرێژ پارێزگاری لە پشتوێنی پاڵەوان دەکات، بەوپێیەی لەنێو ڕکابەرانیدا پێگەیەکی بەهێز و ترسێنەری بۆخۆی بونیادناوە.
