لە سبەینێوه‌ ده‌وام له‌ سلێمانى ئاسایی ده‌بێته‌وه‌ ‏

پارێزگارى سلێمانى ڕایگه‌یاند، لە سبەینێوه‌ ده‌وام له‌ دامودەزگا حکومییەکان ئاسایی ‏دەبێتەوە و لە کاری ڕۆژانەی خۆیان بەردەوام دەبن.‏

د. هەڤاڵ ئەبوبەکر، پارێزگاری سلێمانی له‌ ڕاگه‌یه‌ندراوێكدا ئاماژه‌ى به‌وه‌كردووه‌، “لە ‏سبەینێ دووشەممه‌وە، دامودەزگا حکومییەکان بۆ خزمەتکردنی هاوڵاتییان، لە کاری ‏ڕۆژانەی خۆیاندا بەردەوام دەبن و لە سنووری پارێزگای سلێمانیدا دەوام ئاسایی ‏دەبێتەوە”. ‏

پارێزگار ڕوونیشیكردووه‌ته‌وه‌، دەسەڵاتی تەواو دراوە بە سەرۆکی هەموو یەکە ‏کارگێڕییەکانی سنووری پارێزگای سلێمانی، لە هەر دۆخێکی لەناکاو و نائاسایی و ‏نەخوازراودا، بڕیاری پێویست تایبەت بە سنووری کارگێڕیی ئیدارەکانیان بدەن.‏

ئه‌وه‌ش دواى ئه‌وه‌دێت، له‌ چه‌ند ڕۆژى ڕابردوو به‌هۆی به‌فربارین و سه‌رماوه‌ ده‌وام له‌ ‏فه‌رمانگه‌كان گۆڕانكاریی به‌سه‌رداهات.‏

بابەتی پێشتر

ڕیاڵ مەدرید و بەرشلۆنە ڕێککەوتنێکیان واژووکرد

بابەتی دواتر

کچەکەی پیلێ بەرازیلییەکان لە تەندروستیی باوکی دڵنیادەکاتەوە

بابەتی پەیوەندیدار
Total
0
Share