وەزیری کار و کاروباری کۆمەڵایەتیی هەرێم رایدەگەیەنێت، حکومەتی هەرێمی کوردستان بڕیاریداوە مووچەی کەسانی خاوەن پێداویستیی تایبەت لە 250 هەزار دینار کەمتر نەبێت.
ئەمڕۆ سێشەممە، کوێستان محەمەد، وەزیری کار و کاروباری کۆمەڵایەتیی هەرێمی کوردستان رایگەیاند، مووچەی کەسانی خاوەن پێداویستیی تایبەت و دەستەبەری کۆمەڵایەتی، بەپێی ئەو یاسایەی پەرلەمانی کوردستان پەسەندی کردووە، زیاددەکرێت و لە 250 هەزار دیناری عێراقی کەمتر نابێت.
ئاماژەی بەوەشکرد، “هیوادارین حکومەتی فیدراڵی مووچەی ئەو چین و توێژانەی کۆمەڵگا لە هەرێمی کوردستان زیادبکات”.
