پەیامنێری تۆڕی میدیایی ئێستا لە شاری رانیەوە گواستییەوە، ئەمشەو لە رووداوێكی تەقەكردندا لە گەڕەكی قەڵات لە شاری رانیە دوو كەس برینداربوون، دوو لە تەقەكەرەكانیش خۆیان رادەستی هێزەكانی ئاسایش كردووە.
بەپێی زانیارییەكان لە رووداوەكەدا دوو كەس برینداربوون و رەوانەی نەخۆشخانەكراون و چارەسەری پێویستیان بۆ كراوە و ئێستا تەندروستییان جێگیرە.
وتیشی، دوو كەسی دیكە تەقەیان كردووە و تائێستا خۆیان رادەستی هێزەكانی پۆلیس نەكردووە و هێزە ئەمنییەكانیش لێكۆڵینەوەیان لە رووداوەكە دەستپێكردووە.
