لە ماوەی دوو ڕۆژی داهاتوودا مووچەی تەنها دوو وەزارەت لەلایەن حكومەتی هەرێمی كوردستانەوە دابەشدەكرێت.
بەپێی ئەو ئاگاداركردنەوەیەی وەزارەتی دارایی و ئابوریی هەرێم بڵاویكردووەتەوە، سبەینێ چوارشەممە مووچەی مانگی كانوونی یەكەمی ساڵی 2021ی وەزارەتی کشتوکاڵ و سەرچاوەکانی ئاو دابەشدەكرێت.
هەروەها ڕۆژی پێنجشەممە مووچەی هەمان مانگی وەزارەتی ڕۆشنبیری و لاوان دابەشدەکرێت.
دابەشكردنی مووچەی وەزارەتەكان لە سەرەتای ئەم مانگەوە دەستیپێكردووە و بەشێوەیەكی سست بەڕێوەدەچێت، لەگەڵ ئەوەی 18 ڕۆژ بەسەر ئەم مانگەدا تێدەپەڕێت، هێشتا ژمارەیەكی زۆر لە وەزارەت و فەرمانگەكان مووچەی مانگی ڕابردوویان وەرنەگرتووە.
